Железарец во одлучувачки меч со Ајндховен - Екипа
Сакај СПОРТ!   Читај Спорт!   Живеј СПОРТ!
Ekipa
Топ Вести
Ракомет
9/01/2018 17:58
Ракомет
9/01/2018 17:12
Ракомет
9/01/2018 15:55
Ракомет
9/01/2018 13:09

Железарец во одлучувачки меч со Ајндховен

МКФ Железарец, македонскиот футсал шампион, вечерва (20.30
часот) во СРЦ Кале ќе го има решавачкиот двобој од групата на
претквалификацискиот турнир во ЛШ против холандскиот тим Ајндховен. Само
првопласираната екипа од групата ќе ги продолжи натпреварите на квалификациите
во Словенија, а на „железарците“ им одговара и реми на вечерашната средба за да
ја исполнат целта.

– Нема да калкулираме. Ќе играме на победа. Сакаме
со три победи да го завршиме овој претквалификациски турнир и да го продолжиме
патот во квалификациите за ЛШ. Но, нема да биде лесно, затоа што Ајндховен е
квалитетен состав. Сепак, ние веруваме во нашите квалитети и ќе атакуваме на
победа – вели Ферид Агуши, играчот на Железарец.

Во првите две кола и Железарец и Ајндховен остварија по две
победи, но македонскиот првак има подобра гол разлика, што му дава одредена
предност пред вечерашниот меѓусебен двобој. Железарец во првото коло го совлада
претставникот од Малта, Екцес Биднија со 9-1, а во вториот меч славеше со
убедливи 15-3 против Истанбул. Ајндховен со 7-3 го победи Истанбул, а оствари
триумф и над Екцес Биднија од 8-2.

Претходно, од 18 часот, за третото место во групата ќе
играат Екцес Биднија и Истанбул.         

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.