Железарец му се истури на Истанбул - Екипа
Сакај СПОРТ!   Читај Спорт!   Живеј СПОРТ!
Ekipa
Топ Вести
Ракомет
9/01/2018 17:58
Ракомет
9/01/2018 17:12
Ракомет
9/01/2018 15:55
Ракомет
9/01/2018 13:09

Железарец му се истури на Истанбул

Македонскиот шампион во футсал, тимот на Железарец, славеше
со убедливи 15-3 во дуелот со турскиот Истанбул во мечот од второто коло на
претквалификацискиот турнир за ЛШ што се одржува во СРЦ Кале. 

Избраниците на Васко Скендеровски беа надмоќни во секој
поглед на дуелот со Истанбул. Првиот гол за македонскиот првак го постигна Мартин
Тодоровски во 6 минута, а две минути подоцна на 2-0 зголеми Дарко Ранготов.
Истанбул намали на 2-1 преку Озај Озуток, но до крајот на првиот дел Железарец
постигна уште два погодоци кои беа дело на Мартин Тодоровски и на Драган
Петровиќ.

Во второто полувреме на теренот постоеше само една екипа,
македонскиот шампион Жезеларец. Головите во мрежата на Истанбул се редеа како
на филмска лента, а во листата на стрелците се запишаа Дарко Ранготов (уште четири
пати), Ферид Агуши (два гола), Мартин Тодоровски, Оливер Јовановски, Жарко
Насковски, Драган Петровиќ и Трајче Илиев.

Во самиот финиш попушти малку концентрацијата во одбраната,
па Истанбул на крајот можеше да се израдува на три постигнати гола. Сепак,
конечниот резултат од 15-3 доволно говори за односот на сите на овој натпревар.

Во првиот натпревар од денешната програма, Ајндховен го
совлада претставникот на Малта, Екцес Биднија со 8-2.

В недела, во СРЦ Кале, со почеток од 20,30 часот се игра
решавачкиот натпревар за првото место меѓу МКФ Железарец и Ајндховен. Пласман
во следната рунда од квалификациите во Словенија ќе обезбеди само
првопласираната екипа, а на македонскиот шампион му е доволно и реми од овој
меч.                

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.