Втора победа на Металург во Добој - Екипа
Сакај СПОРТ!   Читај Спорт!   Живеј СПОРТ!
Ekipa
Топ Вести
Ракомет
9/01/2018 17:58
Ракомет
9/01/2018 17:12
Ракомет
9/01/2018 15:55
Ракомет
9/01/2018 13:09

Втора победа на Металург во Добој

Супериорната игра им донесе втора победа на ракометарите на Металург на ТВ Турнирот на шампионите во Добој. Во третиот натпревар на турнирот, македонскиот првак го победи грчки АЕК со 26-18 (11-9). На „металурзите“ ова им е втора победа на турнирот, по стартниот пораз од Гумерзбах и триумфот над ПИК Сегед во групата Б.

Избраниците на Лино Червар доминираа на теренот речиси во текот на целиот натпревар. Грчкиот тим имаше водство од 8-6 пред крај на првото полувреме, но „металурзите“ брзо ја презедоа иницијативата. На полувремето имаа два гола позитива (11-9), а во вториот дел надмоќно ја зголемуваа разликата.

Новакот во редовите на Металург, Жарко Марковиќ одново беше најефикасен играч на теренот овој пат со 12 погодоци. Црногорскиот десен бек во овоие подготвителни натпревари пред новата сезона потврдува дека добро се вклопува во тимот од Автокоманда. Покрај Марковиќ, забележителна улога во нападот на „металурзите“ имаа и Наумче Мојсоски со 4 и Филип Миркуловски со 3 гола.

Денеска завршуваат натпреварите во двете групи, а утре се играат завршните натпревари за пласман на 43.ТВ Турнир на шампионите во Добој.

 

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.