Видео: Ристиќ продолжува со гол серијата

Автор: екипа
- Tweet
Објавено: август 24, 2011 22:00

Стевица Ристиќ продолжува со својата гол серија во дресот на корејскиот Сувон. Македонскиот интернационалец, кој не се најде на списокот на Џон Тошак за престојните квалификациски натпревари со Русија и Андора, е најзаслужниот за пласманот на неговиот тим во финалето од Купот на Јужна Кореја најавувајќи го големиот пресврт при победата од 3:2 во полуфиналниот дуел против екипата на Улсан.

И покрај тоа што Улсан имаше убедливо водство од 2:0, во финишот од второто полувреме Сувон успеа да израмни за потоа во продолжението да стигне и до третиот гол за пласман во големото финале. Ристиќ го постигна првиот гол за Сувон.

Во финалето Стевица Ристиќ ќе се сретне со екипата на Сеогнам во чии редови настапува Македонецот, Саша Огненовски кој исто така беше стрелец на гол во полуфиналниот триумф од 3:0 против екипата на Поханг Стилерс.

Голот на Стевица Ристиќ е на временскиот простор: 2:50…

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.