Васоски се враќа во својот Вардар?! - Екипа
Сакај СПОРТ!   Читај Спорт!   Живеј СПОРТ!
Ekipa
Топ Вести
Ракомет
9/01/2018 17:58
Ракомет
9/01/2018 17:12
Ракомет
9/01/2018 15:55
Ракомет
9/01/2018 13:09

Васоски се враќа во својот Вардар?!

Александар Васоски се враќа во Вардар?! Сте го прочитале ова и порано, во најавата на оваа фудбалска сезона, но сега е активирано копчето за „риплеј“, затоа што се искомпликува работата околу договорот што популарниот Тетовче го потпиша со грчкиот клуб Кавала. Кога потпиша, Кавала беше прволигаш, но најверојатно со одлука на Министерството за култура и спорт на Грција, тој ќе биде преселен во четвртата лига, поради лажирање на резултати и разни малверзации што ги правело раководството на клубот. Тоа значи дека сите професионални договори на фудбалерите автоматски се ништовни, па Александар Васоски и понатаму е без клуб каде би ја продолжил својата фудбалска кариера.

 

А каде би се скрасил Васоски, ако не во својот Вардар?! Понудата за враќање се уште стои во неговото сандаче, па тој треба само да „запали“ на север, да се врати во Македонија и да се согласи на нова верност кон црвено-црната боја, во клубот каде што го направи своето фудбалско име и каде што се прослави…Од Вардар замина за Ајнтрахт Франкфурт, играше во Бундес-лигата, настапуваше за македонската фудбалска репрезентација и сега како искусен 32-годишен фудбалер, се чини дека треба да помогне за повторно воздигнување на македонската гордост.

 

На адресата на Васоски веќе има неколку илјади писма, пораки од фановите на Вардар, неговиот фејсбук-профил е преплавен од апелите на навивачите да се врати на Градски. Сега, по ново, на арената „Филип Втори“, а тој треба да биде еден од главните водачи на „црвено-црните“ во битката за шампионската титула. Ќе се врати ли Тетовче во Вардар?! Ќе ни кажат наредните неколку денови…               

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.