УС Опен без шампионката Клајстерс

Автор: Стеван Цаневски
- Tweet
Објавено: август 19, 2011 22:00

Ким Клајстерс ги разочара своите верни фанови објавувајќи дека нема да биде во можност да ја брани титулата освоена лани на УС Опен. Белгиската тенисерка веќе извесно време се мачеше со серија повреди, но најновиот проблем со стомачните мускули ја натера да го откаже настапот на последниот гранслем турнир за оваа година.

– Две недели бев под интензивни третмани, но нема да успеам да се рехабилитирам навреме за да настапам на УС Опен. Многу ми е жал бидејќи станува збор за еден од моите омилени турнири, во последните две години успевав да стигнам до круната во Њујорк, но сега едноставно нема да можам да играм на овој турнир. Немам друг избор освен да одам на побавна рехабилитациона програма, бидејќи ризикот од обновување на повредата е преголем. Исто така, нема да бидам во можност да настапам ниту во Пекинг, ниту во Токио, се уште е рано да се дадат прогнози кога би можела да се вратам на терените – изјави Клајстерс.

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.