Убедливи 6-2 против Србија

Автор: екипа
- Tweet
Објавено: септември 5, 2011 21:29

Македонската футсал репрезентација стигна до неочекувано лесна и убедлива победа од 6-2 над Србија во првиот од двата пријателски натпревари меѓу овие две селекции. Избраниците на селекторот Скендеровски пред почетокот на мечот најавуваа дека ќе одат на победа, но се чини дека никој од нив не веруваше дека „црвено-жолтите“ ќе успеат да стигнат до така убедлив триумф. Сепак, дисциплинираната игра во одбраната, како и извонредните одбрани на голманот Мирослав Тодоровски, беа главното оружје со кое што го исфрустриравме противникот, за потоа да ја искористиме секоја нова грешка.

Македонија првите три погодоци ги постигна по загубените топки на Србија на средината од теренот, кога по брзите против напади Левески, Мицевски и Агуши ја затресоа мрежата на противникот. Мицевски потоа со еврогол зголеми на 4-1, Ранготов го постигна петтиот погодок за Македонија, пред Агуши со својот втор гол да ја запечати судбината на северниот сосед. Во самиот финиш селекторот Скендеровски ги извади од игра најдобрите фудбалери и реши да им даде мала минутажа и на најмладите репрезентативци, при што на Србите им беше овозможено да стигнат до почесен погодок преку Живановиќ.

Вториот од контролните натпревари меѓу Србија и Македонија ќе се одигра утре со почеток во 18 часот во салата Форца во Скопје.

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.