ТРИ СЕКУНДИ: Мислам дека го видов претседателот!

Автор: ekipa
- Tweet
Објавено: мај 28, 2016 9:15

1. Претседателе, а пехарите?

Синоќа во салата во Куманово имаше се и сешто, за жал најмалку кошарка. За момент мислам дека го видов дури и претседателот на МКФ, Петар Наумоски, кој собра храброст да дојде да присуствува во живо на еден натпревар во оваа сала. За жал, мечот стана „опасен по живот“ за навивачите, па се доигра пред празни трибини.

Судиите побараа без публика, но да ми е да знам кој му пренесе на Наумоски дека треба да се игра без претседател, особено кога станува збор за меч што може да биде (и се покажа решавачки). Пеце впрочем е „национале“ затоа што секогаш има план Б, па го остави својот потпретседател и легендата Буштур да ги поделат пехарите. Впрочем, Буштур е наша спортска икона, а потпретседателот ретко кој го знае, па ризикот од инциденти беше минимизиран. За награда најверојатно двајцата ќе одат во Кина, ионака има слободни места колку сакаш, по откажувањата на репрезентативците.

2. Опасно по живот

Шегата на страна, во Куманово синоќа беше опасно по живот. Атмосфера вообичаено бучна и тензична, а потоа и непотребно брутална полициска интервенција. Да се одговори на пеење „Не си идемо“ со пендреци и да се загрозат животи на стотици навивачи, апсолутно непотребно е нешто за што ќе треба некој да одговара, како опомена за да не се повторат немилите сцени во иднина. Бегаа жени и деца, летаа камења што за среќа не погодија никого. Зарем треба да се случи трагедија за некој сериозно да се замисли за полициските интервенции при справувањето со навивачите групи.

3. Битка за власт и кај тренерите

Желбата е апсолутна власт во федерацијата, па токму затоа челниците на МКФ инсистираат да завладеат и со тренерската организација, која по секоја логика и здрав разум треба да биде автономно тело. За денеска се закажани „избори“ во оваа организација, а првиот човек на федерацијата преку свој близок пријател (краткотраен тренер на МЗТ токму во сезоната кога Наумоски играше за овој тим) веќе наголемо лобира за свој фаворит – Драган Василов. Проблемот е што „лобирањето“ во на македонски начин, па преоѓа во закани, пред се во вработените во Спортската Академија, тренери кои ги именува МКФ и со самото тоа „господари“ со нивните судбини.

Очигледно е дека се стега обрачот, па секој глас за Наумоски на претстојното собрание ќе биде многу важен. А на тренерите е денеска да решат дали ќе станат дел од кошаркарска диктатура, или ќе го кренат својот глас.

тикер

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.

Makking Legija вели:

на мај 29, 2016 г. во 5:57 pm часот

Ili gospodine sto pisuvas koj i da si vakvi lazni informacii ti dale da napises od stranata na kontrakandidatot za pretsedatel

Darko FourplayCafe вели:

на мај 29, 2016 г. во 5:27 pm часот

Komentarite se totalno neosnovani i bez fakti. Na seto toa, apsolutno nepoznavanje na aktite i ingerenciite na MKF i so koi tela rakovodi federacijata. Prvo proverete gi izvorite, pa napisete statija, vaka davate lazna slika pred citatelite. Pozdrav

Makking Legija вели:

на мај 28, 2016 г. во 10:27 pm часот

Gospodine koj i da si sto pisuvas,ako si pameten a neznam kolku si pameten prvo informiraj se donro pa potoa pisuvaj.Informiraj se i pisuvaj realno koj i kako lobiral za kogo i koj se drugite kandidati za pretsedatel.Trenerska organizacija sama si odlucuva za svoite stavovi i nema nikakov pritisok od MKF.