Тешка повреда на Лисандро Лопез

Автор: екипа
- Tweet
Објавено: август 27, 2011 22:00

Лион славеше со 2-1 на саботниот дуел со Монпелје, но домашниот тим немаше премногу причини за славење поради тешката повреда што ја заработи најдобриот напаѓач на овој тим, Лисандро Лопез. На три минути до крајот на мечот гостинскиот дефанзивец Хилтон падна врз ногата на Лопез, по што аргентинскиот голгетер остана да лежи на теренот. Лисандро веднаш им соопштил на тимските лекари на Лион дека неговиот скочен зглоб напукнал, по што тој експресно бил пренесен во приватна клиника во Лион.

Првичните информации говорат дека Лопез најмалку четири месеци ќе отсуствува надвор од терените, поради што управата на Лион експресно стартуваше потрага по нов елитен голгетер, што сигурно ќе биде ангажиран до крајот на овој преоден рок.

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.