СУПЕРКУП СКОПЈЕ 2017 - Со огромно признание од светот, заборавен од нас самите! - Екипа
Сакај СПОРТ!   Читај Спорт!   Живеј СПОРТ!
Ekipa
Топ Вести
Ракомет
9/01/2018 17:58
Ракомет
9/01/2018 17:12
Ракомет
9/01/2018 15:55
Ракомет
9/01/2018 13:09

СУПЕРКУП СКОПЈЕ 2017 – Со огромно признание од светот, заборавен од нас самите!

СУПЕРКУП СКОПЈЕ 2017 – Со огромно признание од светот, заборавен од нас самите!

Издвојувајќи ги најважните моменти од светот на спортот кај нас изминатава година, без сомнение организацијата на УЕФА Суперкупот е убедливо најголемиот настан по кој ќе се памети Македонија од 2017 година!

Скопје и Македонија, благодарение на Фудбалската федерација на Македонија, преку натпреварот меѓу Реал Мадрид и Манчестер јунајтед на 8. август беа центарот на светското внимание… За првпат во нашата историја добивме организација на настан од светски ранг потврдувајќи, притоа, дека и тоа како можеме да бидеме беспрекорни домаќини на најдобрите.

За значењето на настанот и промоцијата на Македонија во светски рамки повеќе од сериозна потврда се фактите кои говорат за сето она што го донесе „УЕФА Суперкупот – Скопје 2017“.

  • Сигналот од Скопје во живо беше пренесуван во вкупно 216 земји во светот (49 во Европа и 167 ширум светот), со вкупна покриеност на четири милијарди луѓе на планетава!
  • Повеќе од 200 новинари од светот присутни во главниот град на Македонија. Огромна туристичка промоција за Скопје и земјава.
  • Нескриен бенефит за домашната економија. За само неколку денови  слеани околу 15 милиони евра од активностите на посетителите во периодот на одржување на Суперкупот кон македонските ноќевалишта, ресторани, културни знаменитости, компании што нудат транспортни услуги, шопинг центри и останати трговци.

Колку некои и да не сакаат да го признаат тоа, Фудбалската федерација на Македонија со добиената доверба од УЕФА за организацијата на Суперкупот 2017 изминатава година се промовираше во еден од најголемите амбасадори на нашата земја, двигател на социјалното и општествено вклучување, и отворен партнер уживател на сериозна почит од Европската куќа на фудбалот.

„Скопје е првиот град во регионот кој доби организација на вакво престижно фудбалско натпреварување, што претставува голема чест, но и голема одговорност. Горди сме што УЕФА ја препозна нашата посветеност за фудбалот и подготвеноста да бидеме одлични организатори на големиот спортски настан“ – ќе рече претседателот на ФФМ, Илчо Ѓорѓиоски.

FFM Superkup

Но, за жал, за сето сработено пред, за и по организацијата на настанот, ФФМ на крајот од годината, кога се сумираат резултатите на сработеното, не доби ниту најмало признание од Градот и државата. Во заокружувањето на сите избори и пара-избори, и од Агенцијата за млади и спорт, и од Сојузот на спортови на Македонија и од Град Скопје, „Суперкупот Скопје 2017“ остана буквално заборавен! Иако, на крајот на краиштата најголема сатисфакција за сите кои работеа на големиот спортски настан, како потврда за одличната организација, ќе останат 35.000 навивачи на „Филип Втори“, и од светот и од Македонија, – вистински сведоци за историјата!

И, секако неизбришано ќе остане она: „Благодариме Скопје! Фантастичен домаќин на Суперкупот 2017“, испратено од УЕФА само ден по хепенингот на нашиот најголем стадион!

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.