Солзите на малиот Томас го стопија и „Ајсмен“ - Екипа
Сакај СПОРТ!   Читај Спорт!   Живеј СПОРТ!
Ekipa
Топ Вести
Ракомет
9/01/2018 17:58
Ракомет
9/01/2018 17:12
Ракомет
9/01/2018 15:55
Ракомет
9/01/2018 13:09

Солзите на малиот Томас го стопија и „Ајсмен“

Солзите на малиот Томас го стопија и „Ајсмен“

Солзите и радоста на најмалиот фан на Кими Раиконен, 6-годишниот Томас од францускиот Амиен станаа главна вест во светските медиуми од денешната Ф1 трка во Барселона на ГН на Шпанија.

Кога Кими Раиконен излета од патеката уште во првиот круг на трката во Барселона, детето горко се расплака на трибините. Камерите ја фатија трогателната сцена од трибините на патеката „Каталуња“ како малиот Томас плаче за својот идол во прегратка на своите родители. Но, реакцијата од Ферари потоа беше одлична.

kimi dete

Од италијанскиот тим го повикаа малиот фан на Раиконен во боксот на Ферари и му овозможија да се сретне со својот идол. На лицето на малиот Томас одново се врати насмевката кога го виде Кими Раиконен, но на Финецот не му беше многу до смеење по разочарувањето на патеката.

kimi barselona

„Не е убаво да се заврши трката по првата кривина“, му рече малиот фан на Кими Раиконен.

За Финецот трката во Барселона траеше многу кратко. Уште во првиот круг по судирот со возачот на Ред Бул, Марк Ферстапен, Раиконен го паркира болидот покрај патеката и остатокот од трката го проследи од боксот на Ферари, а, таму го запозна малиот Томас и неговото семејство.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.