Смодиш ја избра Цедевита

Автор: екипа
- Tweet
Објавено: август 19, 2011 11:45

Словенечкиот репрезентативец Матијаж Смодиш стави крај на шпекулациите поврзани со неговата иднина потпишувајќи договор со екипата на Цедевита. За услугите на Смодиш понуди испратија неколку квалитетни европски тимови, но овој кошаркар сепак реши својата кариера да ја продолжи во Хрватска, како член на амбициозниот состав на Цедевита. Договорот што е потпишан е со важност од една година, со можност следното лето тој да биде продолжен за уште една дополнителна сезона.

„Дадовме се од себе за да го убедиме дека Цедевита е вистинскиот клуб за него. Сега кога успеавме во тоа, морам да кажам дека задоволството е навистина огромно. Добивме фантастичен кошаркар, со кој што ќе атакуваме на висок пласман во сите натпреварувања во кои што ќе учествуваме“ – изјави тренерот на Цедевита, Дражен Анзуловиќ.

Матјаж Смодиш во својата кариера има освоено и три титули во Евролигата, со екипите на Виртус Болоња и ЦСКА Москва.

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.