Штох блиску до одбрана на титулата на „Четирите скокалници“ - Екипа
Сакај СПОРТ!   Читај Спорт!   Живеј СПОРТ!
Ekipa
Топ Вести
Ракомет
9/01/2018 17:58
Ракомет
9/01/2018 17:12
Ракомет
9/01/2018 15:55
Ракомет
9/01/2018 13:09

Штох блиску до одбрана на титулата на „Четирите скокалници“

Штох блиску до одбрана на титулата на „Четирите скокалници“

Полјакот Камил Штох ја продолжи доминацијата на 66.издание на Новогодишната турнеја во скијачки скокови. Штох победи на третиот натпревар на скокалницата во Инсбурк со што практично обезбеди и одбрана на ланската титула. Доколку Полјакот победи и на последниот натпревар в сабота во Бишхофен, тогаш ќе го повтори потфатот на Германецот Свен Ханавалд од пред 16 години. Ханавалд во 2002 година стана прв и досега единствен скокач кој успеал да победи на сите четири скокалници на традиционалната  Новогодишна турнеја.

До победата во Инсбрук, Штох стигна со скокови од 130,0 и 128,5 метри кои му донесоа вкупно 270.1 бода. Второто место му припадна на Норвежанецот Даниел Андре Танде со 255.6 бода (129,5 и 125,0 м.) , а трет е Германецот Андреас Велингер со 253.5 бода (133,0 и 126,0 м.).

Натпреварот во Инсбрук беше фатален за младиот германски ски-скокач Ричард Фрајтаг, кој во првата серија прелета 130 метри, но имаше лош доскок, падна и предвреме го заврши настапот. Германецот не беше во состојба да настапи во втората серија и се прости од сонот за вкупна победа.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.