Сена ќе вози за Рено Лотус

Автор: екипа
- Tweet
Објавено: август 23, 2011 22:00

Бруно Сена ќе биде дел од тимот на Рено Лотус на неделната трка за Големата награда на Белгија што ќе се вози на патеката Спа. Челниците на Рено Лотус се решија на ваков чекор поради незадоволството од настапите на Ник Хајдфелд. Германецот беше ангажиран на стартот од сезоната како замена за повредениот Роберт Кубица, но воошто не ги оправда очекувањата на своите работодавци, поради што денеска беше заменет со младиот Сена.

– Со задоволство можеме да објавиме дека Бруно Сена ќе биде наш возач, крај Виталиј Петров, на трката во Белгија. Останатите детали ќе бидат објавени на утрешната прес-конференција – се вели во денешното кратко соопштение што го објави францускиот тим во Формула 1 шампионатот.

На Сена по се изгледа ќе му биде понуден договор само до крајот на оваа сезона, ако се знае дека челниците на Рено Лотус се убедени дека Кубица ќе успее целосно да се рехабилитира од повредите и догодина да го предводи овој тим во обид да се дојде до што подобар пласман.

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.