Седрик Боувен - ново име во Блокотехна - Екипа
Сакај СПОРТ!   Читај Спорт!   Живеј СПОРТ!
Ekipa
Топ Вести
Ракомет
9/01/2018 17:58
Ракомет
9/01/2018 17:12
Ракомет
9/01/2018 15:55
Ракомет
9/01/2018 13:09

Седрик Боувен – ново име во Блокотехна

Седрик Боувен – ново име во Блокотехна

Блокотехна експресно ја финишираше потрагата по нов кошаркар, потпишувајќи договор со Американецот Седрик Боувен. Со заминувањето на Дујковиќ и на Гоцевски се отвори простор за доведување на нов играч на позициите „четири“ и „пет“, а од неколкуте опции тренерот Илиевски и раководството на клубот го избраа токму 25-годишниот Боувен.

Иако станува збор за играч висок 198 сантиметри, Боувен важи за голем борец кој добро се снаоѓа во битките под обрачите, позиција на која ќе биде користен и во амбициозниот состав од Гевгелија. Тој претходно има настапувано во исландскиот шампионат, а сезонава ја почна во дресот на бугарскиот прволигаш Спартак Плевен. Во дресот на овој клуб Американецот стигна до просек од 13,6 поени и 5,4 скокови по натпревар.

Боувен, кој во текот на денешниот ден ќе пристигне во Гевгелија, ќе биде резервна варијанта во ситуација кога Илиевски е презадоволен од Казарновски и Мијатовиќ како стартери.

Блокотехна е најпријатно изненадување во македонскиот шампионат сезонава, бележејќи девет победи и два порази во домашното првенство. Воедно, одличниот тим од Гевгелија се наоѓа и на врвот на табелата во БИБЛ-лигата.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.