Рожман во втората рунда на СП

Автор: екипа
- Tweet
Објавено: август 26, 2011 22:00

Најдобрата македонска атлетичарка, Ивана Рожман, успеа да го мине претквалификациските борби на 100 метри на Светското првенство во Даегу, Јужна Кореја. Таа утре повторно ќе се појави на тартанот, овојпат во квалификациска трка каде што учество ќе земат и најдобрите светски спринтерки.

Во претквалификациите, Рожман истрча време од 12,48 секунди, што беше доволно за 14 место во конкуренција на 36 атлетичарки. Според новите правила на ИААФ, во претквалификациите трчаат атлетичарките без норма или со обезбедена Б-норма, а во квалификациите ќе се појават сите спринтерки кои имаат истрчано А-норма за учество на СП во Даегу.

Ивана Рожман настапи за Македонија на Олимписките Игри во Пекинг во 2008 година и на 100 метри истрча време од 12,92 секунди. На СП 2009 „стотката“ ја мина за 12,60 секунди, а на ЕП 2010 имаше резултат 12,90 секунди.

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.