Рожман на стартот на 100 метри

Автор: екипа
- Tweet
Објавено: август 26, 2011 22:00

Ивана Рожман ќе биде единствениот претставник од Македонија на 13. Светско првенство во атлетика кое од денеска до 4 септември ќе се одржи во Даегу, Јужна Кореја. Нашата најбрза атлатичарка ќе настапи во квалификациите на 100 метри, а во Даегу замина со личен резултат од 12.01 секунди кој го постави оваа година на Балканијадата во Сливен (Бугарија).

Ивана Рожман својот настап ќе го има првиот натпреварувачки ден, на 27 август во 4 часот и 30 минути по македонско време. Во трката на 100 метри се пријавени 79 натпреварувачки. Рожман беше нашата единствена атлетичарка и на претходното Светско првенство во Берлин во 2009 година, таму постигна резултат од 12.60 секунди и се пласираше на 47. место од 61 атлетичарка.

Македонскиот рекорд на 100 метри во женска конкуренција изнесува 11.74 секунди, а е во сопственост на Александра Војнеска која го постави во Истанбул во 2004 година.

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.