Ристоски и Шоненверд незапирливи во швајцарската прва лига - Екипа
Сакај СПОРТ!   Читај Спорт!   Живеј СПОРТ!
Ekipa
Топ Вести
Ракомет
9/01/2018 17:58
Ракомет
9/01/2018 17:12
Ракомет
9/01/2018 15:55
Ракомет
9/01/2018 13:09

Ристоски и Шоненверд незапирливи во швајцарската прва лига

Ристоски и Шоненверд незапирливи во швајцарската прва лига

Жарко Ристоски и Шоненверд не знаат за пораз во швајцарската прва одбојкарска лига. Клубот чие кормилот го презеде македонскиот стратег ја запиша и третата победа во низа овој пат над Ајнзиделн со 3-2 во сетови (25-18, 24-26, 25-22, 23-25, 18-16).

Избраниците на поранешниот селектор на сениорската репрезентација фуриозно го започнаа натпреварот, добивајќи го првиот сет со седум поени разлика, но противникот успеа да им врати со иста мера во наредниот. По два часа игра резултатот беше 2-2 во сетови и победникот се доби по тај-брејкот. Ајнзиделн имаше неколку меч топки, но потфрли. Клубот на Ристоски го искористи тоа за изедначување, а потоа и пресврт со кој стигна до конечни 3-2.

Со новите бодови Шоненверд и Ристоски се зацврстија на втората позиција на табелата во тамошното првенство. Во наредното коло што ќе се одигра на 5. февруари Ристоски со својот клуб ќе и гостува на Јона.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.