Работнички стартуваше со зимските подготовки, Асани е првото засилување - Екипа
Сакај СПОРТ!   Читај Спорт!   Живеј СПОРТ!
Ekipa
Топ Вести
Ракомет
9/01/2018 17:58
Ракомет
9/01/2018 17:12
Ракомет
9/01/2018 15:55
Ракомет
9/01/2018 13:09

Работнички стартуваше со зимските подготовки, Асани е првото засилување

Работнички стартуваше со зимските подготовки, Асани е првото засилување

Фудбалерите на Работнички денеска го имаа првиот собир на стартот од зимските подготовки за продолжението од шампионатот во Првата македонска фудбалска лига.

Тим-менаџерот Горан Станковски во Градскиот парк ја изврши првата прозивка на тимот, кој засега е со едно ново име како засилување, Бујамин Асани кој доаѓа од романскиот УТА Арад. 29-годишниот Асани, кој е поранешен играч на Шкупи и Скопје како и азербејџанскиот Капаз, треба да ја засили левата бековска позиција на тимот.

„Почнуваме со подготовки, напоредно ќе работиме и на засилувања на играчкиот кадар. Планот за работа е веќе утврден и ќе се потрудиме добро да се подготвиме. До 22. јануари ќе тренираме во Македонија, а потоа одиме во Анталија каде се веќе договорени четири пријателски натпревари“ – истакна Горан Станковски на првиот собир во новата година.

На подготовките со тимот ќе бидат и повратниците Ристе Јанков и Марио Станковски, а повторно меѓу „романтичарите“ е и Бојан Миовски кој се врати од азербејџански Карабах.

IMG_9872

Првиот пријателски натпревар Работнички ќе го има на 21. јануари против второлигашот Борец од Велес, а од 22. јануари се оди во Анталија каде ќе се остане до 1. февруари. Генералката пред стартот на пролетниот дел од првенството ќе биде против струмичка Беласица на 7. февруари.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.