Последна понуда за Модриќ - Екипа
Сакај СПОРТ!   Читај Спорт!   Живеј СПОРТ!
Ekipa
Топ Вести
Ракомет
9/01/2018 17:58
Ракомет
9/01/2018 17:12
Ракомет
9/01/2018 15:55
Ракомет
9/01/2018 13:09

Последна понуда за Модриќ

Првиот човек на Челси, Роман Абрамович, е подготвен да плати неверојатни 40 милиони фунти за да го доведе во својот тим хрватскиот интернационалец во дресот на Тотенхем, Лука Модриќ. Челниците на Тотенхем веќе одбија две понуди на Челси за Хрватот, во висина од 27 и од 30 милиони фунти, но Абрамович јасно стави до знаење дека нема да жали пари за да го доведе овој фантастичен плејмејкер на „Стемфорд бриџ“. 

 

Англиските медиуми информираат дека Челси веќе ги има договорено личните услови од овој трансфер со Модриќ и останува само уште да биде договорена висината на отштетата за овој трансфер да биде реализиран. Менаџерот на Тотенхем, Хари Реднап, неодамна призна дека Модриќ најверојатно ќе си замине од „Вајт Харт лејн“ во овој преоден рок, што ги охрабри челниците на Челси да испратат нова понуда за овој суперталентиран фудбалер. Актуелниот вицепрвак веќе го ангажираше Хуан Мата како освежување за средниот ред, но менаџерот Вилјаш-Боаш инсистира на уште едно засилување на овој дел од тимот, за Челси да може да се бори за шампионскиот трофеј. 

 

Се шпекулира дека Тотенхем има рок до понеделник да одговори на оваа понуда на Челси. Доколку не успеат да дојдат до Модриќ, „сините“ своите погледи ќе ги фокусираат кон Весли Снајдер од Интер. Медиумите во Англија информираат дека Интер е подготвен да го испрати холандскиот плејмејкер во Лондон, но само доколку во размена за него го добие Флорен Малуда, плус доплата од 27 милиони фунти. 

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.