Петрески: Пресуди искуството на противникот - Екипа
Сакај СПОРТ!   Читај Спорт!   Живеј СПОРТ!
Ekipa
Топ Вести
Ракомет
9/01/2018 17:58
Ракомет
9/01/2018 17:12
Ракомет
9/01/2018 15:55
Ракомет
9/01/2018 13:09

Петрески: Пресуди искуството на противникот

 Тренерот на Работнички, Горан Петрески, не ја криеше гордоста по извонредното издание на неговите фудбалери против италијанскиот гигант Лацио. Иако повторно беа поразени, овојпат со 3-1, „романтичарите“ се прикажаа во одлично светло, создадоа неколку стопроцентни шанси и многу лесно можеше да се случи да дојдат до позитивен резултат против гигантот од Рим. 

 

„Малку сме разочарани поради резултатот, но јас лично сум многу горд на ова издание, како и на сите претходни на моите играчи, на кои што не можам да им замерам буквално ништо. Излеговме на теренот, игравме офанзивно како што најавивме и пред мечот и мислам дека целосно ги задоволивме вкусовите на македонската фудбалска јавност. Можам да кажам дека ми е чест што сум тренер на овие момци, кои се извонредни професионалци и кои што сигурно, како Столе Димитриевски, наскоро ќе си обезбедат трансфери во големи европски клубови“ – изјави кормиларот на Работнички.

 

Иако беше очигледно дека темпото на игра на нашиот тим повторно осетно опадна во вториот дел од второто полувреме, Петрески смета дека причината за поразот не лежи во подобрата физичка подготвеност на противникот.

 

„Примивме два гола во второто полувреме, но сметам дека мечот го реши искуството, а не физичката подготвеност. Тие во своите редови имаа седум фудбалери од 27 и повеќе години, за разлика од нашиот млад тим. Можеби навидум не трчаа премногу, но многу добро знаеја како да се постават, да одземат клучна топка и потоа да ги искористат своите шанси. Моите играчи во некои моменти изгореа во желбата да направат добар потег, да истрчаат напред повеќе отколку што треба, но тука никој не смее да им замери бидејќи навистина го дадоа максимумот за да го презентираат достојно македонскиот фудбал“ – потенцираше Горан Петрески.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.