Пандев претставен во дресот на Наполи

Автор: екипа
- Tweet
Објавено: август 26, 2011 22:00

Најдобриот македонски фудбалер Горан Пандев само еден ден откако потпиша едногодишен договор за позајмица со Наполи, ја имаше и својата официјална промоција на „Сан Паоло“ во дресот на „наполитанците“. Пандев во следната сезона ќе го носи дресот со број 29 на Наполи и се очекува да биде големо засилување за тимот на Валтер Мацари.

Од него тоа го очекуваат и новите соиграчи, а прв јавно се огласи Кристијан Маџо.

„Горан Пандев е фантастичен фудбалер и сигурно ќе биде големо засилување за Наполи во претстојната сезона. Ќе сториме се за да се прилагоди што е можно подобро во новата средина, а од него очекуваме да биде еден од нашите адути во Серија А и во Лигата на шампионите. Тоа е фудбалер кој со Интер освои тројна круна, има титули и во Калчото и во ЛШ и дефинитивно ќе ни биде од голема корист“ – изјави Маџо.

Големи очекувања од Пандев има и тренерот Валтер Мацари.

„Зарем мислите дека толку многу ќе инсистирав да го доведеме Пандев, ако не мислам дека навистина може да му помогне на овој тим на Наполи. Со него добиваме уште неколку значајни опции во нападот“ – истакна Мацари.

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.