Пандев повторно поврзуван со Наполи

Автор: екипа
- Tweet
Објавено: август 24, 2011 22:00

Најдобриот македонски фудбалер Горан Пандев повторно се поврзува со трансфер во калчолигашот Наполи.

И покрај категоричните деманти кои стигнуваат од Пандев околу неговото евентуално заминување од „Џузепе Меаца“, италијанските медиуми упорно најавуваат дека Интер веќе го договорил заминувањето на македонскиот репрезентативец во Наполи во обидот, пак, во своите редови да го доведе напаѓачот на „наполитанците“, Лавеци.

Претходно Горан Пандев одби трансфер во Џенова, најавувајќи дека сака и оваа сезона сиот свој квалитет да го докаже во дресот на „нераѕурите“.

„И претходно истакнав дека не планирам заминување од Интер. Верувам дека низ новата сезона ќе се изборам за стандардно место во првиот тим. Ова ќе биде моја сезона“ – вели Пандев.

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.