Пандев: Наполи е ново искушение за мене

Автор: екипа
- Tweet
Објавено: август 25, 2011 22:00

Најдобриот македонски фудбалер Горан Пандев во претстојната сезона како позајмен фудбалер од Интер ќе игра во дресот на Наполи. Иако во текот на целото лето инсистираше да остане на „Џузепе Меаца“, сепак на крајот мораше да попушти и да ја прифати поканата на тренерот на Наполи, Валтер Мацари.

„Не сакав да го напуштам Интер, но Наполи за мене
ќе биде едно големо искуство и ново искушение. Ќе настапувам во Лигата на
шампионите и ќе се обидам да му помогнам на клубот со моите игри“ – изјави
Пандев за „Кориере дело спорт“.

Италијанските медиуми шпекулираат дека во спротивен правец
во наредните денови ќе замине Езекиел Лавеци, првиот напаѓач на Наполи, кој би
требало да направи трансфер во Интер. Токму затоа, тренерот Валтер Мацари
инсистираше да го има Пандев во својот тим за
престојната сезона во Серија А и во Лигата на шампионите.

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.