Не е ниту Меси, ниту Роналдо - најбогатиот светски фудбалер игра за Лестер - Екипа
Сакај СПОРТ!   Читај Спорт!   Живеј СПОРТ!
Ekipa
Топ Вести
Ракомет
9/01/2018 17:58
Ракомет
9/01/2018 17:12
Ракомет
9/01/2018 15:55
Ракомет
9/01/2018 13:09

Не е ниту Меси, ниту Роналдо – најбогатиот светски фудбалер игра за Лестер

Не е ниту Меси, ниту Роналдо – најбогатиот светски фудбалер игра за Лестер

Кристијано Роналдо и Лионел Меси десетина години се натпреваруваат кој ќе има побогат договор, но и да играат фудбал до 50-годишна возраст нема да можат да се приближат на најбогатиот светски фудбалер, Фаик Болкиах.

Името дефинитивно не значи ништо, изненадувачки е што станува збор за фудбалер на Лестер (кој се уште нема ниту еден официјален настап во Премиер-лигата), но Болкиах своето богатство го нема создадено низ кариерата, туку наследено од пребогатото семејство.

Имено, младиот Фаик е внук на Султанот од Брунеи (Хасанал Болкиах), чие богатство е проценето на 20 милијарди фунти. Таткото на Фаик, Џефри, е проценет над пет милијарди фунти, богатство од кое половина треба да му припадне на фудбалерот на Лестер. Само како информација, Џефри Болкиах во изминатите петнаесет години има свртено над десет милијарди фунти преку Инвестицискиот фонд на Брунеи. Во сиот луксуз во кој живее, тој има колекција од 2.300 автомобили, меѓу нив бројни специјални примероци на Бентли, Ферари и Ролс Ројс. За својот јубилеен 50. роденден тој го повикал Мајкл Џексон на специјален концерт, му платил на кралот на поп-музиката 12,5 милиони фунти, но исто така и изградил цел стадион само за концертот да звучи перфектно.

Израснат во едно такво окружување, изненадувачки е што младиот Фаик Болкиах го брка својот сон играјќи фудбал, иако не може да се избори за првотимски статус.

Фудбал играм откако знам за себе и отсекогаш ссум ја имал поддршката од семејството за тој мој избор. Моите најблиски се моите идоли, тие ме имаат подготвено психолошки за предизвиците во кариерата“ – коментира младиот фудбалер на Лестер, кој претходно има настапувано и за младинските екипи на Саутемптон, Арсенал и Челси, но без позначаен успех.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.