Милутиновиќ од Оукленд го засилува Торус

Автор: екипа
- Tweet
Објавено: август 23, 2011 22:00

Србинот со македонско потекло Илија Милутиновиќ е најновото засилување на центарската позиција во редовите на КК Торус за престојната натпреварувачка сезона.

23-годишниот Милутиновиќ, кој со своите 213 сантиметри треба да претставува огромно засилување за „градежниците“ под кошевите, доаѓа од Универзитетот Оукленд каде изминатава година настапуваше во НЦАА лигата на САД. Претходно во својата кариера има настапи и за српскиот Хемофарм од Вршац, а бил член и на јуниорската селекција на Србија и Црна Гора со која на СП 2006 година во Манхајм ја освои бронзата.

Од раководството на Торус нагласуваат дека со тоа го затвораат списокот на имиња за центарската позиција притоа најавувајќи можност за ангажман на уште еден странец. Наредниот период ќе се активира постапка за добивање македонско државјанство за Илија Милутиновиќ чија мајка е Македонка, со што ќе се отвори простор за уште еден кошаркар од странство.

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.