Мата доаѓа во Челси - Екипа
Сакај СПОРТ!   Читај Спорт!   Живеј СПОРТ!
Ekipa
Топ Вести
Ракомет
9/01/2018 17:58
Ракомет
9/01/2018 17:12
Ракомет
9/01/2018 15:55
Ракомет
9/01/2018 13:09

Мата доаѓа во Челси

Хуан Мата ќе стане нов фудбалер на Челси откако лондонскиот клуб се договори со Валенсија висината на трансферот на овој извонреден плејмејкер да изнесува 30 милиони евра. Шпанскиот клуб немаше немера да го продаде Мата во овој преоден рок, но извонредната понуда што пристигна од Англија ги натера челниците на Валенсија да го сменат својот став и да му посакаат на овој фудбалер многу среќа при настапите во Премиер-лигата. 

Менаџерот на Челси, Андре Вилјаш-Боаш, не го криеше разочарувањето од недоволната инвентивност на неговиот тим како во подготвителниот период, така и на премиерниот меч со Стоук што заврши 0-0. Токму поради ова португалскиот стратег побара од газдата Роман Абрамович експресно да му биде доведен инвентивен фудбалер во тимот, по што Абрамович испрати до Валенсија понуда за Мата што едноставно не можеше да биде одбиена.

За очекување е Мата во следните неколку дена да пристигне во Лондон, да ги мине лекарските прегледи и да го стави потписот на договорот со својот нов клуб. Во меѓувреме, челниците на Челси ги продолжуваат преговорите со Тотенхем за трансферот на Лука Модриќ, уште еден суперквалитетен фудбалер што сигурно би претставувал вистинско освежување за средниот ред на „сините“. 

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.