Каратистите од денеска на најпрестижниот турнир од Светската Премиер лига - Екипа
Сакај СПОРТ!   Читај Спорт!   Живеј СПОРТ!
Ekipa
Топ Вести
Ракомет
9/01/2018 17:58
Ракомет
9/01/2018 17:12
Ракомет
9/01/2018 15:55
Ракомет
9/01/2018 13:09

Каратистите од денеска на најпрестижниот турнир од Светската Премиер лига

Каратистите од денеска на најпрестижниот турнир од Светската Премиер лига

Македонските каратисти членови на скопски Макпетрол од денеска учествуваат на најпрестижниот турнир од Светската 1 Премиер карате Лига во Ротердам, Холандија, организиран од странa на Светската Kарате Федерација (WKF).

На натпреварот ќе учествуваат 1258 каратист(к)и од 73 земји од светот.

„Во Ротердам заминуваме со сениорскиот состав од нашиот клуб. Како што знаете комплетната сениорска репрезентација на Македонија во дисциплината борби составена е претежно од девојките на Макпетрол. Овој турнир за нас има два приоритета. Прво тој е критериумски за влез во националната репрезентација и истовремено преставува и најдобра контрола за нашите каратисти кои се подготвуваат за Европското сениорско првенство кое ќе се одржи во месец мај во Турција. Се надеваме на добро преставување во директна борба со сите најдобри каратисти од целиот свет. Конкуренцијата во Ротердам ќе биде на највисоко можно ниво. Сите тежински категории се преполни со најдобри каратисти. Само како податок во категорија -75 кг за мажи има пријавено 153 сениори. Светската карате федерација овие турнири ги озваничи со многу висок коефициент кои изнесува (5). Европските првенства имаат коефициент (6). Тоа значи ако си прв во Европа ќе добиеш 600 бода, а прво место од Ротердам носи 500 бода на ранг листата на Светската карате федерација“ – вели тренерот на Макпетрол, Бошко Заборски.

Од Карате клубот Макпетрол за Ротердам заминаа девет каратист(к)и кои ќе настапат во дисциплината борби поединечно во тежински категории: Симона Заборска (категорија борби -55 кг), Моника Пендаровска (-55 кг), Наташа Стефановска (-61 кг), Анамарија Несторовска (-61 кг), Моника Стефановска (-68 кг), Анѓела Мојсовска (-68 кг), Селена Таушанова (+68 кг), Петар Заборскаи (-75 кг) и Халит Османи (-75 кг).

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.