Јаневски: Ќе го задржиме најдоброто и ќе донесеме нови засилувања - Екипа
Сакај СПОРТ!   Читај Спорт!   Живеј СПОРТ!
Ekipa
Топ Вести
Ракомет
9/01/2018 17:58
Ракомет
9/01/2018 17:12
Ракомет
9/01/2018 15:55
Ракомет
9/01/2018 13:09

Јаневски: Ќе го задржиме најдоброто и ќе донесеме нови засилувања

Јаневски: Ќе го задржиме најдоброто и ќе донесеме нови засилувања

Македонскиот првак Вардар ќе презими на второто место на табелата во Првата лига, со осум бода негатива во однос на Шкендија, со која ќе се сретне и во четвртфиналето на Купот. Сега „црвено-црните“ заминаа на заслужен одмор, а стручниот штаб и раководството на клубот ќе се обидат да доведат нови засилувања.

„Ќе седнеме, ќе разговараме сите во клубот и ќе видиме што е потребно за вториот дел од сезоната. Има и некои млади играчи кои полека доаѓаат во првиот тим. Низ овој есенски дел никој не очекуваше можеби Тодороски да одигра толку натпревари, Стојчевски исто така имаше солидна минутажа. Ќе направиме се да се задржи најдоброто во моментов, и да бидат донесени вистински засилувања. Мора да напоменам дека во зимскиот преоден рок не само за Вардар, туку и за сите екипи е тежок период, затоа што во тој момент ретко на кои играчи им истекуваат договорите и се слободни, односно на речиси сите фудбалери им истекуваат договорите по завршувањето на сезоната. Но, ќе видиме што е неопходно и ќе го засилиме тимот за последните два круга од првенството“, вели Јаневски за официјалниот сајт на клубот.

Шефот на стручниот штаб ги анализираше и резултатите во изминатиот период.

„Од кога јас сум дојден како тренер на Вардар, сметам дека за мене ова ќе беше перфектна полусезона доколку имавме уште една победа плус во првенството, односно еден пораз помалку и да заостанувавме пет бодови од првото место. Сега заостануваме осум бодови, тоа е голема разлика, но има уште 54 поени за освојување во вториот дел од првенството. Доколку имавме една победа плус би бил супер задоволен, но и вака сум задоволен затоа што не беше лесно да се игра на три фронта, и тоа прв пат еден македонски тим се соочи со тој предизвик. Мора да бидеме задоволни и да мислиме за вториот дел од сезоната, да се подготвиме добро и да атакуваме на успех и во првенството и во Купот“, додава Јаневски.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.