Хајдук во војна со Федерацијата

Автор: екипа
- Tweet
Објавено: август 30, 2011 10:49

Управата на Хајдук влезе во отворен конфликт со челниците на Хрватската Фудбалска Федерација, барајќи смена на дел од водечките лица во хрватската куќа на фудбалот. Сплитскиот клуб се сомнева дека Федерацијата му помага на Динамо Загреб да дојде до нов шампионски трофеј, откако Хајдук веќе беше оштетен на две гостувања од стартот на оваа сезона. Челниците на Хајдук ја стартуваа прес-конференцијата со видео-запис од нивниот последен меч со градскиот ривал Сплит (1-1), наведувајќи дури девет грешки со кои што главниот судија Мариќ влијаел врз конечниот исход на натпреварот.

„Судиите упорно грешат, и тоа само против нас. Што ни значи на нас што главниот арбитар на дуелот со Задар не доби преодна оценка, ниту пак како ќе биде оценет Мариќ. Факт е дека сме оштетени и бараме некој да сноси одговорност. Не говориме само за судиите, туку и за сите оние во Федерацијата кои ги влечат конците од позадина. Контактиравме и со нашиот општински сојуз и ќе бараме свикување на вонредно Собрание за смена на водечките лица во Хрватската Фудбалска Федерација“ – изјави претседателот Малеш.

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.