Голови за Мојсов и Алими

Автор: екипа
- Tweet
Објавено: август 26, 2011 22:00

Македонскиот репрезентативец Даниел Мојсов беше стрелец за Војводина на првенствениот натпревар против Нови Пазар (3-0) во српскиот шампионат. Тоа беше прв гол за Мојсов во првенствените мечеви за „лалињата“, а го постигна со удар со глава по добро изведениот слободен удар на Меберашвили. Според извештаите во српските медиуми, Даниел Мојсов бил одличени во дефанзивните задачи на овој натпревар, што сепак е и неговата главна обврска.

Гол постигна и Арменд Алими во дресот на Истра 1961 на дуелот со Локомотива (2-1). Тој беше стрелец на вториот погодок за Истра, со кој повторно го доведе својот тим во водство, а тоа на крајот се покажа и како решавачки момент на натпреварот. Алими се врати во екипата откако ја издржа казната поради заработениот црвен картон во претходното коло, а паузираше на меч од Купот на Хрватска.

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.