Франс Фудбал: Мануел Нојер е голман на годината - Екипа
Сакај СПОРТ!   Читај Спорт!   Живеј СПОРТ!
Ekipa
Топ Вести
Ракомет
9/01/2018 17:58
Ракомет
9/01/2018 17:12
Ракомет
9/01/2018 15:55
Ракомет
9/01/2018 13:09

Франс Фудбал: Мануел Нојер е голман на годината

Франс Фудбал: Мануел Нојер е голман на годината

Престижниот француски магазин „Франс Фудбал“ го избра Мануел Нојер (Германија) од Баерн Минхен за најдобар голман за изминатата 2017 година. Можеби малку неочекувано, со оглед дека поголем дел од сезоната е повреден, но според неговите квалитети, сосема заслужена награда.

„Франс Фудбал“ ја раскина соработката со ФИФА и сега повторно самостојно ќе ги доделува престижните признанија, а има формирано посебни одбори од поранешни фудбалери, кои ги даваат своите гласови за кандидатите. За најдобриот голман одлучуваат поранешните чувари на мрежата, Сантијаго Кањизарес, Лионел Летизи, Сеп Мајер, Марк Шварцер и Франческо Толдо.

Мануел Нојер доби вкупно 30 бода во гласањето и убедливо го освои првото место, пред Џанлуиџи Буфон (Италија) од Јувентус со 13 бода, и Тибо Куртоа (Белгија) со 9 бода. Следуваат Хуго Лорис (Франција) од Тотенхем и Јан Облак (Словенија) од Атлетико Мадрид со по 7 бода, а дури зад нив се Кејлор Навас (Костарика) од Реал Мадрид со 5 бода и Давид де Хеа (Шпанија) од Манчестер јунајтед со 4 бода.

Гласови добија и Марк Андре Тер Штеген (Германија) од Барселона со 3 бода и Самир Хандановиќ (Словенија) од Интер со 2 бода.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.