Ето дебитираше со гол за Анжи

Автор: екипа
- Tweet
Објавено: август 27, 2011 22:00

Најплатениот фудбалер на светот, Самуел Ето, уште на својот прв меч за тимот на Анжи ги покажа своите голгетерски способности. Камерунскиот интернационалец дебитираше со гол за рускиот прволигаш, кој пред неколку дена му плат 26 милиони евра на Интер за да го доведе Ето во своите редови. Напаѓачот потоа потпиша тригодишен договор за плата од неверојатни 20,5 милиони евра по сезона, но веднаш почна да ја оправдува инвестицијата.

Ето успеа да се запише во листата на стрелци на натпреварот на неговиот тим против Ростов, постигнувајќи го израмнувачкиот погодок на десетина минути до крајот на мечот. Сепак, Камерунецот не беше задоволен бидејќи средбата на која Анжи важеше за голем фаворит за освојување на трите бода.

„Требаше да победиме, премногу наивно примивме гол и тоа е причината поради која се враќаме дома со еден, наместо со три бода. Грешките се составен дел од фудбалот, но ние ќе се обидеме да ги минимизираме нашите“ – изјави Ето.

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.