Египет го декласираше Овче поле - Екипа
Сакај СПОРТ!   Читај Спорт!   Живеј СПОРТ!
Ekipa
Топ Вести
Ракомет
9/01/2018 17:58
Ракомет
9/01/2018 17:12
Ракомет
9/01/2018 15:55
Ракомет
9/01/2018 13:09

Египет го декласираше Овче поле

Репрезентацијата на Египет како дел од својата мини-турнеја низ Македонија синоќа одигра пријателски натпревар во Свети Николе против екипата на Овче поле. Како што можеше да се претпостави, мечот заврши со апсолутна доминација и заслужен триумф на „фараоните“, кои што имаа предност во текот на целиот натпревар и на крајот славеа со 41-28.
 
На полувреме резултатот гласеше 11-19 за Египет, а гостите продолжија со одлична игра и во вториот дел, на крајот славејќи со убедливи 13 гола разлика. Хасан постигна 11 погодоци, а Мамдах и Абдалрахман беа стрелци на по седум гола за „фараоните“ на овој меч. Во таборот на Овче поле, Павловск, Василевски и Милковски постигнаа по пет погодоци против силниот противник. 
 
Како дел од својата турнеја низ Македонија, „фараоните“ денеска во Скопје ќе се сретнат со екипата на Вардар про. 

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.