Дојдоа и Борко, „Џомба“ и „металурзите“ - репрезентацијата се побројна - Екипа
Сакај СПОРТ!   Читај Спорт!   Живеј СПОРТ!
Ekipa
Топ Вести
Ракомет
9/01/2018 17:58
Ракомет
9/01/2018 17:12
Ракомет
9/01/2018 15:55
Ракомет
9/01/2018 13:09

Дојдоа и Борко, „Џомба“ и „металурзите“ – репрезентацијата се побројна

Дојдоа и Борко, „Џомба“ и „металурзите“ – репрезентацијата се побројна

Македонската ракометна репрезентација од ден на ден е се побројна на тренинзите што се одржуваат во СЦ „Јане Сандански“, во првата фаза од подготовките за ЕП 2018 во Хрватска. Од денеска на тренинзите се приклучи и првиот голман Борко Ристовски, кој по пристигнувањето од Барселона веднаш се фати за работа приклучувајќи се на помладите на тренинзите, на 22 дена пред премиерниот натпревар со Словенија.

Заедно со Ристовски од денеска на тренинг е и стартното десно крило Гоце Георгиевски, како и членовите на Металург, така што тренерите Парондо и Царчев на располагање веќе имаат посериозен број на ракометари на располагање.

Првиот официјален собир на националниот тим е закажан за понеделник, а последни ќе пристигнат „Германците“ Филип Талески и Филип Миркуловски, кои имаат обврски во Бундес-лигата.

Македонија се наоѓа во групата Ц од ЕВРО 2018 во Хрватска, во рамките од која во арената во Загреб избраниците на Раул Гонзалес ќе се сретнат со Словенија (13 јануари), Црна Гора (15 јануари) и Германија (17 јануари).

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.