Џо Кол на заем во Лил

Автор: екипа
- Tweet
Објавено: август 30, 2011 14:41

Поранешниот англиски репрезентативец Џо Кол во претстојната сезона ќе игра како позајмен играч од Ливерпул во редовите на францускиот тим Лил. Преговорите се во завршна фаза и се очекува да финишираат во текот на оваа вечер. Со тоа, Џо Кол за првпат ќе ја продолжи кариерата надвор од Островот и ќе ги брани боите на Лил.

Англичанецот пред 12 месеци како големо засилување дојде од Челзи во Ливерпул, меѓутоа не успеа најдобро да се снајде на „Енфилд Роуд“, а неговата плата е превисока за „црвените“ да го плаќаат за да седи на клупата за резерви или пак на трибините.

Лил мора да се засили пред истекот на преодниот рок, затоа што најдобриот играч од минатата сезона, Жервињо, веќе е играч на Арсенал, а „топчиите“ им го украдоа и Парк Чу-Јонг. Сега копјата се кршат околу Еден Хазард, дали тој ќе остане во Лил или пак ќе се реши да замине на Островот, можеби во Арсенал или во Ливерпул.

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.