Девојките на Металург загубија и од Крим

Автор: екипа
- Tweet
Објавено: септември 4, 2011 17:27

Ракометарките на Металург загубија и на последниот, трет, натпревар на силниот турнир во Копривница, Хрватска, овој пат од поранешниот европски шампион, словенечки Крим.

Откако подготвителниот период го стартуваа со осум победи, на последниот подготвителен турнир девојките на Металург можеби очекувано загубија на последните три тест средби од екипите на Подравка, Хипо и Крим.

Откако најпрво загубија од Подравка со 27:23, следеше поразот од австриски Хипо со 27:21, за да на крај следи поразот од Крим со 23:16. Словенките отпорот на македонската екипа го скршија во второто полувреме откако првиот дел заврши 10:10. Најпрецизна во екипата на Металург беше Лишчевиќ со 6 постигнати голови.

По тест период за Металург следи сега настапот во квалификациите за Лигата на шампионите. Противник на македонскиот шампион во полуфиналето на групата која ќе се игра во Скопје е екипата на Елда Престижо.

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.