ДеРозан незапирлив, со 52 поени го нокаутираше Милвоки - Екипа
Сакај СПОРТ!   Читај Спорт!   Живеј СПОРТ!
Ekipa
Топ Вести
Ракомет
9/01/2018 17:58
Ракомет
9/01/2018 17:12
Ракомет
9/01/2018 15:55
Ракомет
9/01/2018 13:09

ДеРозан незапирлив, со 52 поени го нокаутираше Милвоки

ДеРозан незапирлив, со 52 поени го нокаутираше Милвоки

Демар ДеРозан одигра фантастичен натпревар за Торонто, предводејќи ги „рептилите“ до триумф по продолжение над Милвоки бакс од 131-127. ДеРозан беше незапирлив за гостинските кошаркари и го заврши мечот со 52 поени, рекордни за него во кариерата, надополнети со осум асистенции. За Торонто ова беше дури 12. домашна победа во серија, а ДеРозан воедно и стана само трет играч во историјата на овој клуб што ја надминал границата од 50 поени на еден меч, откако Винс Картер и Теренс Рос броеја до 51.

Кај Милвоки најефикасни беа Бледсо со 29 и Антетокумпо со 26, сепак премалку за да се запре серијата на канадскиот клуб на домашен терен.

Портланд триумфираше во Чикаго со 120-124, прекинувајќи ја серијата од седум домашни победи на „биковите“. Триумфот е уште позначаен ако се знае дека Портланд настапи без Лилард, а во главна улога беше Меколум со 32 поени и осум асистенции.

Резултати НБА:

Бруклин – Орландо 98-95, Торонто – Милвоки 131-127 (по прод.), Чикаго – Портланд 120-124, Минесота – ЛА лејкерс 114-96.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.