Бојан Трајковски не патува во Кина - Екипа
Сакај СПОРТ!   Читај Спорт!   Живеј СПОРТ!
Ekipa
Топ Вести
Ракомет
9/01/2018 17:58
Ракомет
9/01/2018 17:12
Ракомет
9/01/2018 15:55
Ракомет
9/01/2018 13:09

Бојан Трајковски не патува во Кина

Македонската репрезентација ќе биде ослабена на претстојниот турнир во Кина откако Бојан Трајковски поради повреда отпадна од комбинација за настап на ова натпреварување. „Црвено-жолтите“ предводени од Дамјан и од Војдан Стојановски вечерва ќе патуваат на Далечниот Исток, но Трајковски нема да биде дел од македонската експедиција откако добил лекарска препорака да мирува во следниот период. 

 

Оваа повреда по се изгледа ќе значи дека крилниот центар на Фени индустри нема да биде повикан од страна на Алеш Пипан кога станува збор за списокот на играчи за Евробаскет 2013. Марјан Србиновски, кој ќе ја предводи Македонија на турнирот во Кина, реши на местото на Трајковски да не повика нов кошаркар, па боите на нашата репрезентација на ова натпреварување ќе ги бранат единаесет кошаркари: Војдан Стојановски, Дамјан Стојановски, Александар Костоски, Дарко Соколов, Горјан Марковски, Марко Симоновски, Владимир Брчков, Бојан Крстевски, Александар Штерјов, Синиша Аврамовски и Стојан Ѓуроски.

 

Нашите кошаркари в петок ќе ги одмерат силите со Црна гора, в сабота ќе се сретнат со домаќинот Кина, додека во рамките од третото коло за противник ќе ја имаат селекцијата на Исланд.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.